საქართველოში 37 უცხოელი მოქალაქე ქვეყნიდან გააძევეს
სიახლე
•
04 აპრილი, 2025
შინაგან საქმეთა სამინისტროს მიგრაციის დეპარტამენტის ინფორმაციით, გასულ
თვეში სხვადასხვა ქვეყნის 37 მოქალაქე საქართველოდან გააძევეს.
უცხოელთა ნაწილმა ნებაყოფლობით დატოვა ქვეყანა, ნაწილი კი მიგრაციის
დეპარტამენტის მიერ იძულების წესით გააძევეს. გაძევება განხორციელდა
„უცხოელთა და მოქალაქეობის არმქონე პირთა სამართლებრივი მდგომარეობის
შესახებ“ საქართველოს კანონის საფუძველზე.
საქართველოდან გაძევებულ მოქალაქეებს შორის არიან მოლდოვას, ეგვიპტის,
სომხეთის, რუსეთის, ერაყის, ირანის, თურქეთის, პაკისტანის, თურქმენეთის,
ინდოეთის, ბანგლადეშისა და ნიგერიის მოქალაქეები.
მიგრაციის დეპარტამენტი საქართველოში უკანონო მიგრაციის წინააღმდეგ
ბრძოლაზე პასუხისმგებელი ორგანოა და მისი კომპეტენცია მოიცავს
სამართლებრივი საფუძვლის გარეშე მყოფი პირების გამოვლენასა და გაძევებას.
ანალიტიკა
