ქონების გადასახადი საქართველოში: შალვა ხაჭაპურიძე განმარტავს

რა არის ქონების გადასახადი და ვინ იხდის მას?

ქონების გადასახადი ადგილობრივი გადასახადია, რაც ნიშნავს, რომ მისი გადახდა
სავალდებულოა იმ მუნიციპალიტეტის ტერიტორიაზე, სადაც ქონება
მდებარეობს. KH & PARTNERS-ის დამფუძნებელი და წამყვანი ადვოკატი, შალვა
ხაჭაპურიძე განმარტავს:

“ქონების გადასახადი ხშირად ხდება დავის საგანი, რადგან მოქალაქეებს არ აქვთ
ზუსტი ინფორმაცია, ვალდებულნი არიან თუ არა გადასახადის გადახდისთვის.
მნიშვნელოვანია თითოეულმა გადასახადის გადამხდელმა იცოდეს, როგორ და
როდის უნდა გადაიხადოს, რათა თავიდან აიცილოს ჯარიმები და სხვა
სამართლებრივი პრობლემები.”

ვინ არის ქონების გადასახადის გადამხდელი?

• იურიდიული პირები – როგორც საქართველოს რეზიდენტი, ისე არარეზიდენტი საწარმოები.
• ფიზიკური პირები – კერძო პირები, რომელთა ოჯახის ერთობლივი წლიური
  შემოსავალი 40,000 ლარს აღემატება.

რა შედის ერთობლივ შემოსავალში?

• ხელფასი (საშემოსავლო გადასახადის ჩათვლით)
• ეკონომიკური საქმიანობიდან მიღებული შემოსავალი
• სხვა ნებისმიერი სარგებელი, რომელიც არ არის ეკონომიკურ საქმიანობასთან
  დაკავშირებული

რა არ შედის ერთობლივ შემოსავალში?

• მემკვიდრეობით, ჩუქებით ან განქორწინებისას მიღებული ქონება
• ორ წელზე მეტი ვადით საკუთრებაში არსებული სახლის გაყიდვით მიღებული შემოსავალი

როგორ უნდა მოხდეს ქონების გადასახადის დეკლარირება?

• მიწის ნაკვეთებზე ქონების გადასახადი იხდის ყველა მესაკუთრე, შემოსავლის მიუხედავად.
• დანარჩენ უძრავ ქონებაზე გადასახადის გადახდა დამოკიდებულია შემოსავლის ოდენობაზე.

დეკლარაციის წარდგენის ვადა:

• არაუგვიანეს 1 ნოემბრისა
• გადასახადის გადახდის ვადა: არაუგვიანეს 15 ნოემბრისა
  

გადასახადის განაკვეთი

• 40,000-100,000 ლარამდე შემოსავლის შემთხვევაში – 0.05%-0.2%
• 100,000 ლარზე მეტი შემოსავლის შემთხვევაში – 0.8%-1%

რატომ არის მნიშვნელოვანი ქონების გადასახადის დროული გადახდა?

შალვა ხაჭაპურიძე აღნიშნავს:

“კანონით დადგენილი ვადების დაცვა აუცილებელია, რათა თავიდან აიცილოთ ფინანსური სანქციები. ჩვენი პრაქტიკა აჩვენებს, რომ ხშირად მოქალაქეები უყურადღებოდ ტოვებენ დეკლარაციის შევსებას, რაც მოგვიანებით პრობლემებს უქმნით. KH & PARTNERS მზადაა, დაეხმაროს ყველა დაინტერესებულ პირს შესაბამისი იურიდიული კონსულტაციით.”

რა უნდა გააკეთოთ ახლა?

• თუ უკვე წარადგინეთ დეკლარაცია, არ დაგავიწყდეთ გადასახადის გადახდა 15 ნოემბრამდე, რათა თავიდან აიცილოთ ფინანსური სანქციები.
• თუ გაქვთ კითხვები ან გჭირდებათ იურიდიული კონსულტაცია, KH & PARTNERS-ის ადვოკატები მზად არიან დაგეხმარონ.
• დაგვიკავშირდით დამატებითი ინფორმაციისთვის.