კონფიდენციალურობის პოლიტიკა

1. ვინ ამუშავებს თქვენს მონაცემებს

მონაცემთა დამმუშავებელია შპს „ხაჭაპურიძე და პარტნიორები“, ს/კ 405501942, მისამართი ატენის ქ. 18 გ, 4/7, თბილისი, საქართველო. კითხვებზე პასუხობს: info@khlaws.com.

2. რა მონაცემებს ვაგროვებთ

ფორმიდან, რომელსაც თქვენ ავსებთ: სახელი, ტელეფონის ნომერი, ელფოსტა და შეტყობინების ტექსტი. ავტომატურად: IP-მისამართი, ბრაუზერისა და მოწყობილობის ტიპი, ნანახი გვერდები და საიტზე გატარებული დრო — ქუქი-ფაილების მეშვეობით. სპეციალური კატეგორიის მონაცემებს ფორმის მეშვეობით არ ვაგროვებთ და გთხოვთ, ასეთი ინფორმაცია ფორმაში არ მიუთითოთ.

3. რა საფუძვლით

თქვენი თანხმობით — როცა ფორმას ავსებთ ან სიახლეებზე ხელმოწერას ითხოვთ · ხელშეკრულების დასადებად და შესასრულებლად · კანონით დაკისრებული ვალდებულების შესასრულებლად, მათ შორის „ადვოკატთა შესახებ“ და ფულის გათეთრების წინააღმდეგ მიმართული კანონმდებლობით · ჩვენი ლეგიტიმური ინტერესით — საიტის უსაფრთხოებისა და მუშაობის უზრუნველსაყოფად.

4. რისთვის ვიყენებთ

თქვენს მოთხოვნაზე პასუხის გასაცემად და დასაკავშირებლად · ინტერესთა კონფლიქტის შესამოწმებლად · მომსახურების გასაწევად და ანგარიშსწორებისთვის · კანონით დადგენილი ვალდებულებების შესასრულებლად · საიტის გაუმჯობესებისთვის, განზოგადებული სტატისტიკის სახით.

5. ვის გადაეცემა

მომსახურების მიმწოდებლებს, რომლებიც ჩვენი დავალებით მოქმედებენ: ჰოსტინგი, ელფოსტის სერვისი, CRM, ანალიტიკა. ისინი მონაცემს იყენებენ მხოლოდ ჩვენი მითითებით · უფლებამოსილ ორგანოს, თუ ამას კანონი ითხოვს · ჩვენს პარტნიორ იურიდიულ კომპანიებს სხვა ქვეყნებში — მხოლოდ თქვენი ცალკე თანხმობით და მხოლოდ იმ ფარგლებში, რაც თქვენი საქმისთვისაა საჭირო. მონაცემს არავის ვყიდით და სარეკლამო მიზნით მესამე პირს არ გადავცემთ.

6. გადაცემა საზღვარგარეთ

ზოგიერთი მომსახურების მიმწოდებლის სერვერი საქართველოს ფარგლებს გარეთაა. ასეთ შემთხვევაში მონაცემი გადაეცემა მხოლოდ კანონით დადგენილი პირობების დაცვით და შესაბამისი ხელშეკრულებით.

7. რამდენ ხანს ვინახავთ

ფორმიდან მიღებული მონაცემი, თუ ურთიერთობა არ დაიწყო — 12 თვე · კლიენტის საქმესთან დაკავშირებული მონაცემი — კანონითა და ხელშეკრულებით დადგენილი ვადით · საბუღალტრო დოკუმენტაცია — კანონით დადგენილი ვადით. ვადის გასვლის შემდეგ მონაცემი იშლება ან ანონიმდება.

8. თქვენი უფლებები

გაქვთ უფლება: მიიღოთ ინფორმაცია, რა მონაცემს ვამუშავებთ და რატომ · მოითხოვოთ ასლი · მოითხოვოთ არასწორი მონაცემის გასწორება ან განახლება · მოითხოვოთ წაშლა, ბლოკირება ან დამუშავების შეწყვეტა · ნებისმიერ დროს გამოიხმოთ თანხმობა. მოთხოვნას ვპასუხობთ კანონით დადგენილ ვადაში. მოთხოვნა გამოგვიგზავნეთ მისამართზე info@khlaws.com.

9. ადვოკატის საიდუმლო

ინფორმაცია, რომელსაც ჩვენი მომსახურების ფარგლებში მივიღებთ, დაცულია ადვოკატის საიდუმლოებით. ეს დაცვა უფრო ფართოა, ვიდრე წინამდებარე პოლიტიკა, და ვრცელდება უვადოდ, მომსახურების დასრულების შემდეგაც.

10. ქუქი-ფაილები

საიტი იყენებს ქუქი-ფაილებს მუშაობის უზრუნველსაყოფად და სტატისტიკისთვის. ბრაუზერის პარამეტრებით შეგიძლიათ მათი გამორთვა — ამ შემთხვევაში საიტის ზოგიერთი ფუნქცია შეიძლება არ იმუშაოს.

11. უსაფრთხოება და ინციდენტი

ვიყენებთ ორგანიზაციულ და ტექნიკურ ზომებს მონაცემის დასაცავად. თუ მოხდება ინციდენტი, რომელიც საფრთხეს უქმნის თქვენს უფლებებს, შევატყობინებთ პერსონალურ მონაცემთა დაცვის სამსახურს აღმოჩენიდან 72 საათში და, საჭიროების შემთხვევაში, თქვენც.

12. საჩივარი

თუ მიგაჩნიათ, რომ თქვენი უფლება დაირღვა, მოგვმართეთ info@khlaws.com-ზე. ასევე უფლება გაქვთ, მიმართოთ პერსონალურ მონაცემთა დაცვის სამსახურს ან სასამართლოს.

13. ცვლილებები

პოლიტიკა შეიძლება განახლდეს. მოქმედი რედაქციის თარიღი მითითებულია ქვემოთ. ბოლო განახლება: 21.10.2026.